మౌనిత ప్రయత్నాలు రోజు రోజుకీ పెరిగిపోతున్నాయి. హిమ మనసులో కొత్త అమ్మ స్థానం తనే పొందాలని నానా యత్నాలు చేస్తోంది. కార్తీక్‌ని ప్రేమగా చూసుకోవడం, కార్తీక్ బాగోగులు పట్టించుకోవడం ఇలా ఛీప్ ట్రిక్స్ ప్లే చేస్తోంది. అయితే అవన్నీ మానేయ్ అని సౌందర్య వార్నింగ్ ఇచ్చినా.. పట్టించుకవట్లేదు మౌనిత. తెలుగు ప్రేక్షకులను ఎంతగానో ఆకట్టుకుంటున్న‘ ’ సీరియల్ నేటి ( నవంబర్ 4) రాత్రి ఎపిసోడ్‌లో ఏం జరగనుందో ‘సమయం’లో మీకోసం ముందుగానే.

గత ఎపిసోడ్‌లో ఏం జరిగిందంటే..
కార్తీక్, ఆనందరావుని దూరంగా ఓ ఏకాంత ప్రదేశానికి తీసుకుని మాట్లాడతాడు. ‘డాడీ.. అతి త్వరలో మన ఇంట్లో పెద్ద సంక్షోబం రాబోతుంది.. నేను ఇళ్లు వదిలి వెళ్లాల్సిన పరిస్థితి రావచ్చు. నా వల్ల కావట్లేదు డాడీ.. నేను అమ్మ చాలా దూరం అయిపోతున్నాం. ఆ దీపని నాకు అంటగట్టాలని చూస్తున్నారు. మమ్మల్ని(దీపని, నన్ను) కలపాలని ప్రయత్నించకండి. దాని(దీప) బిడ్డకి నన్ను తండ్రిని చేయొద్దు. ఆ దీప తాళుకు ఏ ఒక్క విషయాన్ని నా దాకా రానీయకండి. ముఖ్యంగా అమ్మకు ఓ విషయం చెప్పండి. తన కోడలి కోసం ఈ కన్న కొడుకుని దూరం చేసుకోవద్దని చెప్పండి’ అంటూ దన్నం పెడతాడు కార్తీక్. ‘నువ్వు మీ అమ్మని తప్పుగా అర్థం చేసుకుంటున్నావ్ కార్తీక్. ఏ రోజు అయితే మీ అమ్మ నీకు అర్థమవుతుందో ఆ రోజు నిన్ను నువ్వు క్షమించుకోలేవు’ అంటాడు ఆనందరావు.

643 ఎపిసోడ్‌లో హైలైట్స్‌..
కూరగాయలు కొంటున్న దీపని.. సౌర్య కూర్చోమని చెప్పి.. పక్కనే ఉన్న స్టూల్స్ వేసి.. కూర్చోబెట్టి.. ‘అమ్మా.. నాన్నమ్మ(సౌందర్య) మనకు ఏం అవుతుంది.. ఎందుకు మనకోసం తను ఏడుస్తుంది? అసలు ఆనందరావు తాతయ్య ఎందుకు ఏడుస్తుంటారో అర్థం కాదు. అడిగితే సైట్ పెరిగి కన్నీళ్లు వస్తున్నాయి అంటారు. ఇంకా.. ఆ నిన్ను అమ్మా దీపా అని పిలుస్తారుగా.. ఆయనైతే ఎప్పుడూ ఏడుస్తూనే కనిపిస్తారు. వీళ్లంతా ఎందుకు మనకోసం బాధపడతారమ్మా?’ అని అడుగుతుంది. ‘మన కోసం ఏడుస్తున్నారంటే కావాల్సినవాళ్లనేగా అత్తమ్మా’ అంటుంది దీప. ‘ఏంటో అమ్మా నీ మాటలు అర్థం కావు. వాళ్లూ అర్థంకారు. సరిగా చెప్పమ్మా’ అంటుంది సౌర్య. ‘నన్ను ఎందుకు అడుగుతావ్ అత్తమ్మా? వీళ్లంతా నువ్వే పరిచయం చేసినవాళ్లే కదా? ఇప్పుడు నన్ను ఎందుకు అని అడిగితే నేను ఏం చెప్పాలి?’ అంటూ దీప తప్పించుకుంటుంది.

‘హిమా గుగ్గిళ్లు చేసించాను తిను’ అంటుంది సౌందర్య. ‘గుగ్గిళ్లా? గ్యాస్ పడుతుంది వద్దమ్మా హిమా.. అయినా నీకు గుగ్గిళ్లు ఎవరు అలవాటు చేశారు? ఆ వంటలక్కా?’ అని అడుగుతాడు కార్తీక్. ‘లేదు డాడీ.. మా స్కూల్‌ల్లో వాచ్‌మెన్ తింటుంటే అడిగి తీసుకున్నాను’ అంటుంది హిమ. ‘వాచ్‌మెన్ దగ్గర తీసుకున్నావా?’ అంటూ సౌందర్య అడిగితే.. ‘అవును నాన్నమ్మా..? అడగకుండా తీసుకుంటే తప్పు కానీ.. అడిగి తీసుకుంటే ఎవరి దగ్గర తీసుకున్నా తప్పు లేదు కదా నాన్నమ్మా?’ అంటుంది హిమ. ఆ మాటలు విన్న కార్తీక్ షాకింగ్‌గా.. ఇదేంటీ? హిమని ఇంత రిచ్‌గా పెంచుతున్నా? ఇలాంటి ఆలోచనలు వస్తున్నాయి?’ అనుకుంటాడు మనసులో..

కార్తీక్ వెంటనే.. ‘హిమా పెద్దయ్యాక ఏం అవుతావమ్మా?’ అని అడుగుతాడు కాస్త టెన్షన్‌గా.. ‘నేను చెబితే నువ్వు తిట్టకూడదు..’ అంటూనే ‘నాకు వంట చేసి పెట్టడం అంటే చాలా ఇష్టం డాడీ.. అందరికీ నచ్చేవిధంగా వండాలనిపిస్తుంది’ అంటుంది హిమ. షాక్ అవుతాడు. ‘ఇలాంటివి నాకు నచ్చవు.. నువ్వు వెళ్లి ఫ్రెష్ అవ్వు’ అంటూ హిమని పైకి పంపించి.. సౌందర్య, ఆనందరావులను తిడతాడు. ‘చూశారా.. ఆ మౌనితతో ఉంటే డాక్టర్ అవ్వాలి అనేది. ఆ వంటలక్కతో ఉండి ఉండి వంట చేస్తాను అంటోంది.. ఇకనైనా మీ ప్రయత్నాలు ఆపండి’ అని తిట్టి వెళ్లిపోతాడు. ‘అది వంటలక్క కూతురేరా సుపుత్రా’ అనుకుంటుంది మనసులో సౌందర్య.

మురళీ కృష్ణ.. దీపకు కాల్ చేసి సౌర్య ఇంటికి వచ్చిందని, తండ్రి కోసం ప్రశ్నలు వేసిందని చెబుతాడు. దాంతో దీప వారణాసి మీద కోప్పడుతుంది. ‘దాన్ని అక్కడికి ఇక్కడికీ తీసుకుని వెళ్లడం ఎందుకురా? నువ్వే చెప్పేయ్.. దాని తండ్రి ఎవరో నీకు తెలుసుకదా.. అప్పుడైనా నీ కడుపు చల్లపడుతుంది..’ అంటూ తిట్టి బయటికి పొమ్మంటుంది. డినర్ చేసే టైమ్‌కి సౌందర్య, ఆనందరావు, హిమ, కార్తీక్, ఆదిత్య అంతా రెడీ అవుతుంటే.. కార్తీక్ ఆకలి వేయట్లేదు అంటుంది. ఇంతలో మౌనిత క్యారేజ్ పట్టుకుని వచ్చి.. ‘అలా అంటే ఎలా కార్తీక్.. నువ్వు మధ్యాహ్నం కూడా తినలేదటగా.. హాస్పెటల్‌లో చెప్పారు.. అందుకే మా వంటలక్క ప్రియమణితో వంట చేసించి తీసుకొచ్చాను.. పద తిందూగానే’ అంటుంది. అదంతా చూస్తున్న సౌందర్య అండ్ కో..కి కాలిపోతుంటే హిమ మాత్రం బాగా ఇప్రెస్ అవుతుంది. థ్యాంక్స్ డాక్టర్ అమ్మా అంటూ హగ్ చేసుకుంటుంది.

కమింగ్ అప్‌లో…
సీన్ కట్ చేస్తే.. మౌనితని ప్రేమగా సౌందర్య డిన్నర్‌కి డైనింగ్ టేబుల్ దగ్గర కూర్చోబెడుతూ.. ‘గెస్ట్ ఫస్ట్’ అంటుంది. వెంటనే.. ‘మౌనితకి గానీ కరెక్ట్ టైమ్‌లో పెళ్లి అయితే మన హిమ అంత కూతురు ఉండేది’ అంటూనే.. ‘అసలు మౌనితకి పెళ్లి అయితే దాని మొగుడు మాత్రం రెండో రోజే దన్నం పెట్టి పారిపోయేవాడు.. ఎందుకంటే మౌనితకి అసలు వంటరాదుగా’ అంటూ ఉంటుంది సౌందర్య. అదంతా హిమ గమనించడంతో మౌనిత చాలా టెన్షన్ పడుతూ ఉంటుంది. ఇంతలో కార్తీక్ కూడా కలుగజేసుకుని.. ‘అది మాత్రం నిజం మమ్మీ.. కచ్చితంగా అదే జరిగేది. మౌనిత వాళ్ల ఆయన మాత్రం కచ్చితంగా సన్యాసం తీసుకుని పోయేవాడు’ అంటాడు. అదంతా హిమ గమనిస్తుంది. మౌనిత హిమ మనసులో కొత్త అమ్మ స్థానం కోసం చేసిన ప్రయత్నం బెడిసికొట్టడంతో.. టెన్షన్‌గా ఉంటుంది. సౌందర్య మాత్రం భలే దెబ్బ కొట్టింది. కార్తీకదీపం కొనసాగుతోంది. మరిన్ని వివరాలు తరువాయి భాగంలో చూద్దాం!